Madaxweynaha Dowladda Puntland, Mudane Siciid Cabdullaahi Deni, Oo ka qeybgalay munaasabadda xiritaanka Shirweynaha Aayo-ka-tashiga Soomaaliyeed, kaas oo Golaha Mustaqbalka Soomaaliyeed ugu soo gebogebeeyay magaalada Kismaayo.
Madaxweynaha ayaa uga mahadceliyay Dowladda iyo Shacabka Jubaland sida wanaagsan ee ay u martigeliyeen shirka, isaga oo bogaadiyay doorkii ay ka qaateen qabsoomidda iyo guusha kulanka.
Sidoo kale, Mudane Siciid Cabdullaahi Deni ayaa rajo ka muujiyay in qodobada ku xusan war-murtiyeedka kasoo baxay shirka ay door weyn ka qaadan doonaan jihaynta mustaqbalka dalka, isla markaana ay gacan ka geysan doonaan hirgelinta doorasho heshiis lagu wada yahay, oo ku dhacda waqtigeeda, kuna saleysan wada-tashi iyo is-afgarad qaran.
