Wasaaradda Caafimaadka iyo Daryeelka Bulshada ee Dowladda Federaalka iyo Jubbaland ayaa maanta magaalada Kismaayo ku qabtay kulan talo-wadaag ah oo ku saabsan Khariidada Hagista Nadafadda Guud ee Deegaanka.
Kulanka waxaa ka soo qeyb galay:
- Agaasimaha Guud ee Wasaaradda Caafimaadka Dawladda Jubbaland, Maxamed Xuseen Maxamed
- Madaxa qeybta fayadhowrka iyo caafimaadka deegaanka ee Wasaaradda Caafimaadka Federaalka Soomaaliya, Abdisalan Ibraahim Xuseen
- Shaqaalaha Wasaaradda
- Qaar ka mid ah Xildhibaanada Golaha Baarlamaanka Dawladda Jubbaland
- Madaxa qeybta fayadhowrka Dawladda Jubbaland
- Madaxa Wacyigalinta
- Iskuduwaha Caafimaadka Gobolka Jubada Hoose
- UNICEF iyo marti sharaf kale
Kulanka ayaa lagu goorfeyey qorshaha guud ee nadafadda deegaanka, si loo ilaaliyo bilicda deegaanka iyo fayadhawrka bulshada. Ujeedada kulankani waxay ahayd in la helo bulsho ka badqabta cudurrada faafa ee dilaaga ah, loona abuuro deegaan nadiif ah oo caafimaad qaba.
About The Author
