KISMAAYO, Jubbaland – Agaasimaha Hay’adda Sirdoonka iyo Nabadsugida Jubbaland (JISA), Maxamed Axmed Sabriye (Basaam), ayaa hoggaaminayay howlgal ballaaran oo ka dhacay deegaanka Lagta Hola-Wajeer ee hoostaga degmada Badhaadhe, gobolka Jubada Hoose. Howlgalkan oo socday muddo afar maalmood ah, ayaa dhabar-jab weyn loogu geystay maleeshiyaadka Khawaarijta ah ee ku dhuumaalayaysanayay Howdka Fog ee Badda Madow.
Khasaaraha Cadowga iyo Guulaha Ciidanka:
- Dhimashada: Waxaa la xaqiijiyay dhimashada in ka badan 60 xubnood oo ay ku jiraan horjoogayaal sar-sare, kuwaas oo meydadkooda ay gacanta ku hayaan ciidamada JISA.
- Agabka la qabtay: Ciidamada ayaa gacanta ku dhigay:
- In ka badan 100 miinooyin ah iyo maadooyinka qaraxyada laga sameeyo.
- Hub, saanad ciidan, iyo qalab casri ah oo dhanka isgaarsiinta ah.
- Burburinta Saldhigyada: Waxaa gabi ahaanba la riday xarumihii saadka, xeryihii tababarka, iyo keydadkii hubka ee cadowga.
Muhiimadda Istiraatiijiyadeed ee Howlgalka:
Xeryaha la burburiyay ayaa ahaa halkii laga soo abaabulay weerarkii fashilmay ee dhawaan ay Khawaarijtu ku qaadeen deegaanka Kudhaa. Goobtan ayaa sidoo kale saldhig u ahayd qorsheynta weerarrada laga fuliyo gudaha Jubbaland iyo xadka dalka Kenya.
Iskaashiga Caalamiga ah:
Dowladda Jubbaland waxay si weyn ugu mahadcelisay Saaxiibada Caalamiga ah oo iyagu hawada ka taageerayay ciidamada JISA muddadii uu howlgalku socday, taas oo sahashay in la curyaamiyo awooddii cadowga.
About The Author
