RAASKAMBOONI (Jubaland Tv) – Agasimaha Guud ee Hay’ada Sirdoonka iyo Nabadsugida Dowladda Jubbaland (JISA), Mudane Maxamed Axmed Sabriye (Bassaam), ayaa si rasmi ah tababar ciidan ugu soo xiray cutubyo ka tirsan Guutada Hanqadh.
Howlgalkan tababarka ah oo ka dhacay deegaanka Raaskambooni ee degmada Badhaadhe, ayaa qayb ka ah qorshaha ballaaran ee lagu xoojinayo awoodda ciidamada amniga Jubbaland.
Diiradda Tababarka iyo Xirfadaha La Baray
Tababarkan oo ahaa mid heer sare ah, waxaa ciidanka lagu baray casharo muhiim u ah dagaalka lagula jiro kooxaha Khawaarijta ah, waxaana ka mid ahaa:
- Farsamooyinka Dagaalka: Sida loo fuliyo hawlgalada gaarka ah iyo la dagaallanka argagixisada.
- Sugidda Amniga: Farsamooyin casri ah oo lagu xaqiijinayo nabadgelyada deegaannada xorta ah.
- Xoreynta Badhaadhe: Diyaarinta cutubyadii ka qayb qaadan lahaa dib-u-soo celinta degmada Badhaadhe iyo agagaarkeeda.
Ahmiyadda ay JISA siineyso Tayeynta Ciidanka
Agaasime Maxamed Axmed Sabriye (Bassaam) ayaa intii uu ku sugnaa Raaskambooni xusay in tababaradan ay saldhig u yihiin:
- Ciribtirka Khawaarijta: In la helo ciidan leh tayo iyo karti ay ku soo afjaraan khataraha amniga.
- Xasilloonida Waarta: In shacabka reer Jubbaland ay helaan mustaqbal ammaan ah oo horumar horseeda.
- Dhismaha Hay’adaha Amniga: In la hirgeliyo hay’ado amni oo leh diyaargarow buuxa iyo xirfad ciidan oo casri ah.
W/Q Abdikadir Jama Mohamed
About the Author
